هي مجموعه مراكز تدريبيه تابعه لجمعيه رساله للاعمال مسؤوله عن تقديم كورسات مجانيه فى جميع المجالات ( كمبيوتر – لغات- تنميه بشريه_ وغيرها ) متاحه للجميع وذلك بجهود تطوعيه فى اطار الهدف العام لجمعيه رساله فى نشر فكر وثقافه التطوع
كورس اللغة الانجليزية
أهم وأسهل طريقة للتواصل بين الناس هو الكلام بتعبر عن أفكارك بالكلام وبتتعرف على الناس وأفكارهم بردوا بالكلام ومع اختلاف اللغات ف هنحتاج نتعلم اللغة اللي هنعرف نتواصل بيها معاهم ومن أهم اللغات المطلوبة سواء في سوق العمل أو الدراسة هي اللغة الإنجليزية واكيد بتسال دلوقتي هتتعلمها ازاي انا هقولك ده هيحصل لما نتكلم باللغة الإنجليزية، ونمارسها صح مع مجموعة من الشباب حابه أنها تتطور من نفسها، وكل ما تتقن مهارات المحادثة اكثر كل ما ده هيوسع مداركك ويزود فرصك الوظيفية والمعرفية هتحقق ده كله معانا في RTC لما تحضر كورس Advanced English conversation club
كورس اللغة الالمانية
لازم تتعلم الماني لأن اللغة الالمانية واحدة من أهم اللغات في العالم، وعلشان كدا مدارس كتير بيدرسوها للأطفال وهما صغيرين السبب التاني إنك لو حبيت تسافر ومعاك اللغة الالمانية هتقدر تسافر المانيا، لأنها هتوفرلك تسهيلات كتير جدا ولو مش حابب تسافر ف ممكن تشتغل كول سنتر في مصر وطبعا كلنا عارفين مرتبات الكول سنتر لو معاك لغه .
كورس ادارة الوقت
الأجازة خلاص بتخلص وماحققناش اللي كنا مخططين ليه وده لأننا مش عارفين ننظم وقتنا ما بين الكورسات اللي عايزين نتعلمها، والسوشيال ميديا، والخروجا وده بيوصلنا لنتيجة واحدة أننا مستغلناش وقتنا وصح طيب وايه الحل بقا ؟! طبعاً اننا نتعلم إدارة الوقت ونعرف ازاي ننظم وقتنا وازاي نستفيد بكل ثانيه تعدي علينا علشان كدا وفرنا ليك الشهر دا كورس إدارة الوقت اللي هنتعلم فيه :
1- التعرف علي مفهوم إدارة الذات.
2- مفهوم ادارة الوقت.
3- فوائد إدارة وتنظيم الوقت.
4- قواعد واساليب إدارة وتنظيم الوقت.
5- القوانين الهامة للإدارة الناجحة للوقت.
وحاجات اكتر هتعرفها لما تحضر الكورس معانا وفي نهايه الكورس هتكون قادر انك تعرف ايه الوقت بالظبط وازاي تنظمه بشكل كويس وتقدر تستفيد من كل ثانيه في حياتك بشكل صح
لينك التقديم في الكورس
تعليقك يهمنا ❤