مواقع كورسات اون لاين مجانيه
تعتبر مواقع الكورسات المجانيه واحده من افضل الوسائل التي يحتاجها الافراد من اجل الوصول الي تحقيق رغباتهم في الوصول اللي تعلم مساق معين او مجال معين بدون مقابل ولهذا قررنا ان نجلب لكم اهم هذه المواقع المجانيه بدون الحاجه للبحث عنها دون جدوي ولكن قبل ذلك يجب ان تكونوا علي علم بان الشهادات الاون لاين تعادل شهادات مراكز الكورسات ولكن هناك مراكز تتفوق عليها .
كمان قبل منعرف اي هيا المواقع دي تقدر تشوف كورسات HP المجانيه بالشهاده من هنا
1 - موقع ادراك
يعتبر موقع ادراك واحد من اهم مواقع الكورسات العربيه واللي بيقدم كورسات بماتيريال كويسه جدا وده لانه مدعوم من اكتر من مكان منهم مؤسسه الملكه رانيا اللي هيا اصلا مشرفه علي عمل الموقع وكمان مهارات من جوجل والقنصليه الببريطانيه الموقع في الحقيقه هو كنز وبتزداد قيمته اكتر واكتر مع كل تطوير للموقع بتقدمه المؤسسه والعاملين عليه عشان كدا بننصح بيه جدا وكمان لازم نذكر ان الموقع اتعمل تحت اشراف زوجه الملك عبدالله ملك الاردن ودي تعتبر برضو حاجه كويسه خصوصا انهم في تصريح سابق كانوا قايلين ان الموقع هيكون معتمد قريب جدا .
اللينك | من هنا
2 - موقع معارف
ده زي مبنقول كدا الحصان الاسود موقع مجهول سيكا ومحدش يتوقعه ولكنه يعتبر موقع تقيل جدا من حيث الكورسات اللي بيقدمها الموقع ده متعوب فيه جدا من حيث الواجهه والتصميم والماتيريال عيبه الوحيد انهم محتاجين اهتمام بالتسويق وده خاصتا انهم بيقدموا ماتيريال السناتر بتاع الكورسات بتقدمها غاليه جدا جدا ولذلك اعتقد مع شويه اهتمام بالتسويق الموقع ده هيعدي مواقع كتير علي الساحه سواء محليه او اجنيه وخصوصا انهم بيطلعوا الشهاده بلغتين عربي وانجلش ودي حاجه مش كل المواقع الموجوده بتقدمها .
اللينك | من هنا
3 - موقع تيرا كورسز
الموقع ده كويس جدا وبيقدم كورسات كويسه نسبيا ولكن بينقصه بس اهتمام وتجديد متواصل للكورسات والروابط وتحديثها مع الوقت وكمان محتاج زياده في عدد الكورسات القليله نسبيا ولكن الكورسات المتوافره حاليا علي الموقع كافيه بالنسبه للطلبه .
اللينك | من هنا
تعليقك يهمنا ❤