اي هو كورس ال PFA لطلبه تجاره - المحاسب المالي المحترف ؟
ال PFA هو اختصار لكلمه Professional Financial Accountant او بالعربي المحاسب المالي المحترف .
وفالحقيقه الشهاده دي مهمه جدا جدا فهي بتاهل المحاسب انه يكون عنده درايه ومعرفه كامله بجميع الجوانب المحاسبيه والدفتريه واللي بتاهل الدارس انه يبقا حاجه قويه جدا .
بندرس اي في كورس ال PFA - المحاسب المالي المحترف
1-تأهيل الدارس من الناحية المحاسبية والتدريب العملي على القيد الدفتري وده بندرسه كمان في الكليه واستعراض جميع أشكال الدفاتر زي الاستاذ .
2- تصميم نظام محاسبي متكامل وده كمان بيتعلموه علي الاكسيل .
3- تصميم الدورات المحاسبية المستندية – التسجيل في الدفاتر باستخدام الطريقة الأمريكية ودي بتدرس فالكليات بس مش بالتفصيل .
4- كل ما يخص القوائم الماليه .
5- أنواع الضرائب المطبقة في مصر – الإقرارالضريبي – ميزان المراجعة .
6- كل ما يخص الاهلاك .
7- الصفات الأساسيه والثابته لعقود التأجير التمويلي.
8- اسس تقييم وتقدير المخزون .
والحقيقه ان شهاده ال PFA هيا شهاده معتمده ومهمه في مجال العمل وبتدي الحاصل عليها افضليه في مجالات العمل وفي التقديم للشغل طيب اي فوايد الشهاده دي ؟
فوايد شهاده ال PFA لطلبه تجاره - المحاسب المالي المحترف
1- تحسن اداء المنظمات بشكل ملحوظ وعالي ورفع كفائات العمال .
2- تعتبر شهادة الـ PFA وسيلة للدلاله والحكم علي مستوي الفرد او العامل واللي بتخلينا نقول
هو متميز فمجاله ولا لا .
3- بتاكد للمؤسسات إمكانيه تحديث المهارات والخبرات لكل اللي شغالين في المنظمه .
4- تعد فرصه مهمه للترقيه وزياده المرتب .
5- بتسهل وجود فرص العمل واظهار ال CV بتاعك لل HR .
تكلفه كورس ال PFA لخريجي تجاره - المحاسب المالي المحترف
الكورس ملهوش تكلفه محدده ولكن الرينج المعقول للماتيريال المحترم 2000 جنيه ولو ازيد هتبقا حاجه بسيطه .
ميزات كورس ال PFA لخريجي تجاره في ال CV - المحاسب المالي المحترف
اولا بتدي دفعه كبيره لل HR انه يقبلك لانك بيبقا عندك خلفيه عن الشغل وطبيعته وكرق التعامل مع المستندات المحاسبيه وخصوصا لو معاك تدريبات وكورسات تانيه كل ده بيرفع من ال CV بتاعك وتقدر تشوف كورسات تانيه تنفع في ال CV من خلال اللينك ده
الطرق اللي ممكن تاخد بيها كورس ال PFA - المحاسب المالي المحترف
في اكتر من طريقه ممكن تاخد بيها الكورس وطالما من اماكن معتمده فالاتنين واحد |
اونلاين من خلال المنصات الكتير اللي بتدي كورس PFA
وفي مراكز التدريب المعتمده اللي منتشره فكل مكان
تعليقك يهمنا ❤