مقدمه لعمل ال CV
ال CV اصلا هو عباره عن شويه معلومات عنك ولكن تكون اساسيه ودقيقه فمينفعش يكون CV وهو اصلا مجرد من اي حاجه تعبر عنك عشان كدا في شروط لازم تراعيها وانت بتعمل الCV بس انا النهارده جايبلكم موقع بيراعي كافه الشروط وبيطبقها .
بتتعدد طرق عمل ال CV ولكن اغلبها مدفوع وطبعا كلنا بنكون طلبه ومش معانا فلوس نعمل cv مدفوع طب ايه العمل ؟
هقولكم علي طريقه مجانيه وسهله تماما لعمل ال CV من خلال الفون وبشكل احترافي هيبهرك وفي عدد كبير جدا من القوالب اللي من الممكن تستخدمها ولكن افضلهم القالب الكلاسيكي .
لي تعمل CV كلاسيكي ؟
وده لانه بيتميز بجاذبيه عاليه في العمل وطريقه سهله في التعامل وبيسهل علي الHR انه يشوف كل البيانات بتاعتك كمان يفضل يكون ال CV كله صفحه واحده وهنقسمها زي ما هنشوف في الفيديو.
الCV مبتقفش اهميته عند مجرد التقديم لشغل وبس كمان بيحتاجوه في التدريبات والمكاتب المحاسبيه كمان يفضل تكتب كل حاجه عنك بالتفصيل بس من غير متحسس اللي قدامك بالزهق عشان كدا ركز جدا وانت بتملي بيناتك في ال CV .
لي ال CV مهم ؟
ال CV مهم مش عشان هو اللي بيخليك تقدم في الوظيفه لا عشان هو اللي بيخليك تروح الوظيفيه ممكن تعمل CV عادي يبقا ال HR معندوش شغف انه يقراه وغيرك اقل منك ف الامكانيات بعمل CV بيبرز فيه كل جوانب القوه بتاعته عشان كدا دي حاجه لازم تركز عليها جدا كمان متنساش تحط فيه كل الشهادات اللي اخدتها ف حياتك ولازم ميتعداش الصفحتين عشان ال HR ميزهقش .
هل ال CV ممكن يخليني اترفض ؟
ال CV اللي مش احترافي لو معاك الف شهاده كفيل يخليك تترفض فالشغل في سيفيهات بتترفض اصلا من قبل م تتفتح والعكس يرضو في سيفيهات بتتقبل لانها فعلا تستاهل وصاحبها عارض مهاراته بشكل مناسب
لينك الموقع لعمل ال CV
تدخل علي اللينك ده و تملي البيانات مكان المكتوبه ولازم تخلي طريقتك في الكلام احترافيه وتراجع ال CV اكتر من مره .
وبكدا تكون عملت C.V تقدر تقدم بيه فاي مكان او تدريب او انترفيو وشكله شيك وطريقته احترافيه ومجانيه وكمان عملتكم فيديو شرح لل CV بسهوله عشان لو حد وقف قدامه اي حاجه او اي مشكله .
تعليقك يهمنا ❤