مقدمة مهمة عن كليه التجاره
كليه التجاره كابوس طلاب الثانويه العامه الكل بيهرب منها تقول لحد تجاره يقولك بعد الشر من غير مايقرأ عنها ولا يدي لنفسه فرصه حتا يسمع عنها لحد مطلع عليها مصطلح كليه الشعب واللي بيزيد من النظره السلبيه للكليه بوجه عام وبيخلي الكل يطمح انه يبعد عنها حتا لو هيستبدلها بكليه اقل منها لمجرد انه يبعد عن الكليه وبس طب اي اللي يخليك تغير نظرتك فالكليه ؟
كمل المقال وانت تعرف الاجابه
اولا كلية التجارة مش كليه الشعب زي م انتوا فاكرين
- كليه تجاره اه كليه الشعب بس مش عشان اي حد بيدخلها لا عشان اي مجال بتلاقي فيه ليها شغل زي ( الاداره - الحكومات - المجالس الشركات - المصانع - .... ) .
- انت شخصيا لو ربنا كرمك وفتحت مشروع وكبر هتحتاج محاسبين و مديرين اكتر من اي حاجه تاني .
- كليه تجاره مش بس بتاهلك انك تشتغل فاي مجال لا كمان بتخليك قادر تبقا صاحب مشروع بعد التخرج فتلاقي نفسك بتفكر ازاي تبقا صاحب بيزنس .
ثانيا كورسات كليه التجاره كليه القمه
- كورسات كليه التجاره بتنقلك نقله تانيه بالمعني الحرفي فمثلا تلاقي طلاب طب ييجوا مخصوص كليات تجاره عشان ياخدوا كورس اداره اه والله ده يثبتلك ان الكليه مش اي حاجه زي م انت فاكر .
- كورس CMA وده بينقل صاحبه نقله قويه جدا جدا فتلاقي اللي واخده بيقبض 9 الاف جنيه ومطلوب جدا جدا وتقدر تعرف اكتر عنه من جوجل
- كورس الPFA وده برضو كورس تقيل جدا فالمجال الوظيفي تقدر تعرف عنه اكتر من هنا
- غير طبعا ماجستير إدارة الاعمال الغني عن التعريف اللي بينقل صاحبه نقله قويه جداا في سوق العمل
ثالثا مجالات عمل كليه تجاره كليه القمه
زي ما ذكرت قبل كدا مجالات تجاره كتيره جدا ومتشعبة جدا وفروعها وشغلها كتير جدا جدا لدرجه يصعب حصرها فهقولكم ابرز 3 مجالات .
1- البنوك |
البنوك دي حلم اغلب الطلبه ونفسهم انهم يشتغلوا فالبنوك وده بسبب المرتبات العاليه وعدد ساعات الشغل كتر الاجازات
2- الشركات |
انك تشتغل محاسب في شركه دي حاجه مميزه جدا وده بسبب ان الشركات شغلها مش معقد وسهل ومرتباتهم كمان بتكون عاليه
3 - مكاتب المحاسبه |
في ناس بتتجه لمكاتب المحاسبه ففي منهم اللي بيعمل مكتب خاص بيه ومنهم اللي بيشتغل فمكتب بمبلغ مقبول نوعا ما وانت واختيارك
رابعا واخيرا عن كليه التجاره
كليه التجاره كليه عظيمه جدا خرجت لينا ناس مهمه جدا فمجتمعنا امثال (محمد ابو العنين - ابو هشيمه - هشام طلعه واللي ساب كليه الهندسه مخصوص عشان يدخل تجاره ) بلاش تستهون بيها ركز فالكليه ومش بعيد تكون انت القمه 💖
بالتوفيق
تعليقك يهمنا ❤