تدريب بنك مصر 2021
طبعا اغلب الناس اللي قدموا اتقبلوا ده لو مكانش كلهم والكل دلوقتي بيسال ايه الخطوه الجايه ؟تحميل الماتيريال بعد القبول في تدريب بنك مصر
بعد م دخلت ع الموقع وسجلت دخولك هتخش علي لينك الماتيريال وتحملهم وتخليهم عندك لانهم هيترفعوا من علي الموقع بعد شهر ومش هتعرف توصلهم وهما مهمين جدا قي المجال العملي .
تقسيم الماتيريال بعد القبول في تدريب بنك مصر
تبدء تقسم الماتيريال دي علي فترات تذاكرهم كويس جدا جدا وضروري اوي تشوف امتحان السنه اللي فاتت وتحله لانه هيعرفك بشكل الامتحان الجاي وهتكون متاهل للامتحان وعارف انت هتعمل اي وعارف نظام الاسئله وشكل كل سؤال وهتقدر بعدها تتوقع الامتحان كويس .
متسمعش لحد بعد القبول في تدريب بنك مصر
هتلاقي ناس كتير بتقولك التدريب مش مهم وهيحاولوا انهم يحبطوك حرفيا متسمعش كلامهم التدريب مهم جدا وبيبقا اضافه قويه فال CVوبيتسال علي من اللي بيعمل معاك الانترفيو حاول تاخد تدريبات كتير والبنوك مفيش اكتر منهم فهتقدر تاخد كميه كويسه في فتره الجامعه .
رفع الماتيريال بعد القبول في تدريب بنك مصر
اول م الشهر هيخلص الماتريال هتتشال من السايت ويبدئوا يجهزوا للامتحانات اللي المفروض هتبدء تعرف ميعاد اختبارك بدايه من يوم 18 اغسطس .
جروبات الحل بعد القبول في تدريب بنك مصر
قبل الامتحان بتلاقي جروبات بتتعمل بينزل فيها الحل بتاع الامتحان حاول متدخلش عليهم انت هدفك تستفيد وتاخد الشهاده بس وفي مكافاه ماليه للمتفوقين وتقدر تشوف تقسيمه للشرح من هنا وشرح للفيديوهات كامله من نفس اللينك برضو .
اجتهد بعد القبول في تدريب بنك مصر
شدوا حيلكم وحلوا امتحان السنه اللي فاتت ومتسمعوش كلام اي حد يحبطكم الماتيريال سهله وبسيطه ومش بتتطلب مجهود كبير ولكن بتحتاج تركيز وبالتوفيق للجميع 💓
تعليقك يهمنا ❤